प्रदेशस्तरीय ब्याडमिन्टन प्रतियोगितामा सुर्खेतको टिम प्रथम

---

सुर्खेत । कालिकोटमा माघ २६ गतेदेखि २८ गतेसम्म सञ्चालन भएको कर्णाली प्रदेशस्तरीय ब्याडमिन्टन प्रतियोगितामा सुर्खेतको टिम प्रथम भएको छ । सुर्खेतका नरेन्द्र बम र जीतप्रसाद लामिछानेको जोडी प्रथम भएको हो ।
यस्तै दित्रृय स्थान सुर्खेतकै राजेन्द्र बम र खगेन्द्र खत्रीको जोडी भएका छन् । तृतियमा कालिकोटका खेलाडी सुमन विष्ट, भुपेन्द्र मल्ल, बिनोदबहादुर शाही र मानबहादुर बुढा भएका छन् ।
प्रथम विजेताले रु. ५१ हजार एक सय ११ रुपैयाँ पुरस्कारसँगै मेडल पाएका छन् भने, उपविजेताले रु. ३० हजार एक सय ११ मेडल पाएका छन् । यस्तै, सेमिफाइनलसम्म पुग्ने दुई जोडीले रु.१५ हजार एक सय ११ रुपैयाँ पुरस्कार पाएको आयोजक जिल्ला ब्याडमिन्टन संघ कालिकोटका अध्यक्ष वीरेन्द्र शाहीले बताए । ‘जिल्लामा नियमित ब्याडमिन्टन खेल्ने गरे पनि यति ठुलो पुरस्कार राशिको प्रतियोगिता पहिलोपटक भएको छ ।’ उनले भने,‘यो खेल पहिलो पटक आयोजना भएको भावी दिनमा थप प्रतियोगिता गर्नका लागि हौसला मिलेको छ ।’
ब्याटमिन्टन संघ कालीकोटको आयोजनामा सुरु भएको प्रतियोगितामा कर्णाली प्रदेशका सुर्खेत, दैलेख, जुम्ला र कालिकोटका गरी २१ वटा टिम दर्ता भएको ब्याटमिन्टन संघ कालिकोटले जनाएको छ ।