राहतका नाममा चार किलो चामल

कालीकोटः आफनो नाममा रहेको एक कित्तामात्र जमिन थियो, बाढिले बगायो, अव के खाने कसरी परिवार पाल्ने भन्ने चिन्ता छ, सान्निवित्रेणी गाउँपालिका–६ पोरीवनका कन्न लुवारलाई ।
यहि साउन १३ गते राति आएको अविरल वर्षासंगैको पहिरोले लुवारको नाममा रहेको एक कित्ता जमिन बगाएको छ । आफ्नो खेत पहिरोले बगाएपछि अहिले उनी सामुदायिक वनको एक जंगलमा अस्थायी रुपमा त्रिपालमा परिवार ल्याएर वसिरहेका छन् । घर जाउ घर छैन, भएको घर पनि पहिरोले बगरमा परिणत गर्यो, अहिले त्रिपालमा बालवच्चा राखेर वसिरहेको छु लुवारले दुखेसो पोखे । संघसंस्थाबाट सहयोग पाएको एक त्रिपाल छ, अहिले त्यही त्रिपालमा बसिरहेको र्छौ त्यही सहयोग नपाएको भए ओडारमा वस्नु पर्दो रहेछ । अहिले सम्म गाउँपालिकाले बाढि पहिरो पिडितहरुको बारेमा वुझ्न पनी आएको छैन । दिनमा अरुको घरमा काम गरेर विहान वेलुकी खाना खर्च चलेको छ । कन्नले गुनासो गरे ।
यो विलौना कन्न लुवारको मात्र होइन, सोही वनमा त्रिपालमा वसिरहेकी ३१ वर्षिय पहिरो पीडित दुधा लुवारको पनी छ । नाममा भएको एक कित्ता जमीन थियो, त्यही बाढीले बगायो, ‘अव का वसेर खाने, के खाने होला ? काखमा दुई छोरी र एक छोरो च्यापेर त्रिपालको छेउमा वसेर दुधाले यसरी गुनासो पोखिन । घरमा जाउँ घर छैन, बाढीले बगाइसक्यो, त्रिपालमा वसेर बालवच्चालाई राखेका छौँ ।’ पहिरोमा परि पीडित भएका सान्निवित्रेणीका स्थानीय अहिले पनि त्रिपालमा बसेर आफ्नो गुजारा चलाई रहेका छन् ।
भोट माग्ने वेला घरमै आएर धेरै आश्वासन दिन्थे, अहिले कोही पनी हाम्रो समस्या वुझ्न आएका छैनन । चुनावमा दलित वर्गलाई खोजेर हात पाहँु जोडछन् भोटको लागी अहिले आफुहरको यस्तो दरदर्नाक अवश्था बुझन कोही आएनन् । राहतको नाममा मुख्यमन्त्री महेन्दबहादुर शाहीले हेलिकप्टरमा आएर एक परिवारलाई चार किलो चामल मात्र दिएका थिए । दुधा लुवारले भनिन् ।
कन्न र दुधा लुवारको मात्र पिडा छैन, सान्निवित्रेणी गाउँपालिका–६ पोरिवनका ११ घरधुरीका गुनासा पनि यस्तै हुन् । लुवार वस्ती नै बाढी र पहिरोले बगाएपछी ११ घरधुरी अहिले नजिकैको डोप्का सामुदायिक वनमा त्रिपालमा वसिरहेका छन् ।

error: Content is protected !!