काम नै नगरी खाने प्रवृतिको अन्त्य गर्ने मेरो लक्ष्य रहेको छः उपाध्यक्ष शाह

---

कालिकोटको नरहरिनाथ गाउँपालिकाका उपाध्यक्ष कमलकुमार शाह(लिला) बि.स.२०३८ सालमा कालिकोटको नरहरिनाथ गाउँपालिका–८ लालु गाउँको तत्कोटमा जन्मिएका हुन् ।
बुबा चन्दबहादुर शाही र आमा रुक्मादेवि शाहीको कोखमा जन्मिएका शाहका एक दाई दुई जना दिदि रहेका छन् । माओवादी केन्द्रको कर्णाली प्रदेश कमिटी सदस्य रहेका शाह २०७९ सालमा भएको स्थानीय तहको निर्वाचनमा नरहरिनाथ गाउँपालिकाको उपाध्यक्ष पदमा २९१७ मत ल्याएर विजयी भएका थिए । उनै शाहसँग गरिएको संक्षिप्त कुराकानीको अंशः
तपाई गाउँपालिका उपाध्यक्ष निर्वाचित भएपछि भावी योजनाहरु के के छन् ?
हामीले गाउँपालिका भरीका विगतका योजनाहरुलाई निरन्तरता दिँदै पालिका भित्रका नौ वटै वडामा सडक पु¥याउने लक्ष्य राखेका छौं ।
तपाईहरुका विषेश प्राथमिकता के के हुन् ?
जनसरोकार विषयहरु पहिलो प्राथमिकतामा रहेका छन् । द्रोश्रोमा स्वास्थ्य शिक्षामा बिषेश ध्यान दिने योजना बनाएका छौं ।
तपाईलाई योजना अनुगमन र न्यायिक समितिको संयोजक पनि हो ? कसरी यी काम गर्नुहुन्छ ?
म नागरिकको बीचमा गएर ती काम भए वा भएनन् भनेर अगाडी बढ्ने हो । देखेको आफुले जानेका कुरा त्यहाँ राख्ने हो । काम नै नगरी खाने प्रवृतिको अन्त्य गर्ने मेरो लक्ष्य रहेको छ । नागरिकको हित विपरित कुनै काम हुने छैनन् ।
न्या सत्यता भित्र लुकेको हुन्छ । न्याय नागरिकले देखेका हुन्छन् । नागरिकबाट सल्लाह सुझाव लिएर ती काम गर्ने मेरो उद्देश्य रहेको छ ।
तपाईका गाउँपालिका लामो समयदेखि विमानस्थल निर्माण हुँदै छ । त्यसलाई कसरी लिनुभएको छ ?
विमानस्थलको अवस्था अहिले निर्माधिन अवस्थामा रहेको छ । कालोपत्रेको काम हुँदैछ । त्यो विमानस्थलको कालोपत्रेको काम भएपछि सबै राजनीतिक दल प्रबुद्ध वर्ग, अगुवा नागरिकको सल्लाह जिल्लाबासीको अपेक्षा अनुसार नै चाडै सञ्चालनमा ल्याउने प्रयास हुँदैछ । कर्णाली राजमार्गबाट अहिले त्यहाँसम्म पुग्ने सडक पनि निर्माण भइसकेको अवस्था रहेको छ । साउनको पहिलो हप्तातिर ल्याउने योजना रहेको छ ।
आगामी बजेट कस्तो ल्याउनु हुन्छ ?
आगामी आर्थिक वर्ष २०७९÷०८० को बजेटमा शिक्षा, स्वास्थ्य, कृषि, रोजगारी बिषयबस्तु समेटेर बजेट ल्याउने तयारी गरेका छौं । राजगारी पहिलो प्राथमिकतामा रहेको छ । एउटा एम्बुलेन्स खरिद गरेर गाउँपालिका भित्र सञ्चालन गर्ने योजना रहेको छ । भौतिक पूर्वाधार क्षेत्रमा त्यत्तिकै ध्यान दिएर बजेट ल्याउने काम हुनेछ ।
तपाईहरुले सुशासनका कामलाई कसरी अगाडी बढाउनु हुन्छ ?
मानवको गहना नै सुशासन हो । यसलाई हामीले पूर्ण सुशासनयुक्त गाउँपालिका बनाउने कोशिष गर्नेछौैं । यसका लागि हामीले बिषेश योजना बनाएर अगाडी बढ्ने सोचेका छौं ।