तीज गित ‘छोरीको मर्म’ सार्वजनिक

---

सुर्खेत । छोरीको मर्म तीज गित सार्वजनिक गरिएको छ । सुर्खेतकी गायिका हरिमाया कार्कीको नयाँ तीज गीत सार्वजनिक गरिएको हो । यो बर्षको तीजमा हरिमायाको दोस्रो तिज गित हो । दुई साता अघिमात्र हरिमायाले तिज गित ‘मधु’ बजारमा ल्याएकी थिइन् । बुधबार हरिमाया कार्की अफिसियल युट्युव च्यानलबाट गीत सार्वजनिक गरिएको हो ।
राष्ट्रिय लोक तथा दोहोरी गीत प्रतिष्ठान कर्णाली प्रदेशकी अध्यक्ष हरिमाया कार्कीको एकल स्वरमा रहेको उक्त गितमा संगीत र शब्द रचना पनि गायिका कार्कीले आफै गरेकी हुन् । खेमराज गौतमले संगीत एरेन्ज गरेको गित मालाश्री डिजिटल रेकर्डिङ स्टुडियोमा रेकर्ड गरिएको हो । गीतको भिडियोमा एमन आचार्य, माया थापा, हरिमाया कार्की, लक्ष्मी गिरी, समिक्षा सुनार, जानकी पुन, चन्द्रिका रावत, सिर्जना परियार, शिलाकुमारी कुमाल, अनमिन जिसी, पावल बलामी मगरलगायतका कलाकारहरुले अभिनय गरेका छन् ।
गीतको भिडियो कर्णालीका पर्यटकीयस्थलहरुमा छायाङ्कन गरिएको छ । निर्मल प्याकुरेले निर्देशन र सम्पादन गरेको उक्त भिडियोमा चन्द मन्दिर र हेमन्त नेपालीले नृत्य निर्देशन गरेका हुन् । गीतका रचनाकार हरिमाया कार्कीले तीज गीत ‘छोरीको मर्म’ नेपाली हिन्दु महिलाहरुको जीवन भोगाई र अनुभुतीको प्रतिबिम्ब भएको बताईन् ।
आफ्ना सांगितिक कोशेलीहरुमा कर्णालीको मौलिक संस्कृतीलाई समेट्दै आएकी गायिका कार्कीले यो गितमा तिजको बेला माइतीघर जना नपाएकी चेलीलाई परिवारमा आमाजु, देउरानी र सासुले सान्त्वना दिँदै अर्को बर्ष माइतीघर जाका लागि सम्झाएको बिषयबस्तु समेटिएको छ । माइतीघर जान नपाउँदा कर्णाली र भेरीजस्ता नदीहरु धमिलो महसुस भएको तथा सिंगो प्रकृति उजाड लागेको कथाबस्तु गितमा देखाइएको छ ।
दुई दशक लामो समय लोक तथा दोहोरी गीतको क्षेत्रमा अनवरत लागेकी कार्की तीज गीतलाई समयानुकल परिवेशमा परिस्कृत गर्नु पर्ने धारणा राख्छिन् । तीज गीत समाज परिवर्तन, नारी सिर्जनशिलता र सकारात्मक सन्देश दिने खालका हुनु पर्छ भन्ने विश्वास गर्ने कार्की सधै जेठानी देउरानीको भगडा, सासुबाट थिचोमिचोमा परेको बिलौना मात्र होइन पारिवारिक मेलमिलाप र सहकार्यको सन्देश गीतले दिनु पर्ने बताउँछिन् ।