सडक कालोपत्रेदेखि नगरस्तरीय पत्रकार राहत कोष स्थापना

---

कालीकोटः आगामी बैशाख ३० गते हुने स्थानीय तह निर्वाचनलाई लक्षित गरि जिल्लाको खाडाचक्र नगरपालिकामा नेपाली काँग्रेसबाट नगरप्रमुखकी उम्मेदवार तारा शाहले आफ्नो प्रतिवद्धता सार्वजनिक गरेकी छन् ।
उनले खाडाचक्र नगरपालिकाको प्रमुखमा विजयी भए नगरभित्र रहेका सडक कालोपत्रे देखि नगर स्तरीय पत्रकार राहत कोषको स्थापना गर्ने प्रतिवद्धता सार्वजनिक गरेकी छन् । खाडाचक्र नगरपालिकामा पहिलो पटक काँग्रेसका तर्फबाट नगरप्रमुखमा महिलाले टिकट पाएको स्मरण गराउर्दै शाहले महिलालक्षित कार्यक्रमलाई पहिलो प्राथमिकतामा राखेकी छन् ।
टोलटोलमा मेयर कार्यक्रम संचालन गर्दै जनताका समस्या समाधान गर्ने, महिलाहरुलाई आयआर्जनका काममा सक्रिय बनाउने, प्रत्येक वडामा महिला उद्यमशिलताको बिकास गर्ने लगायतका प्रतिवद्धता गरेकी छन् ।