सल्यानमा ७० वर्षीया बृद्ध मृत फेला

---

सुर्खेत । सल्यानमा एक जना ७० वर्षीया बृद्ध मृत फेला परेका छन् । त्रिवेणी गाउँपालिका– १ काभ्राका पिमलाल कामी मृत फेला परेका हुन् ।

घरदेखि करिब एक सय मिटर टाढा स्याला भन्ने स्थानमा मृत फेला परेको जिल्ला प्रहरी कार्यालय सल्यानले जनाएको छ । पानीको कुलोमा टाउको डुबेको अवस्थामा उनको शव भेटिएको जिल्ला प्रहरी कार्यालय सल्यानका सूचना अधिकारी भवानी प्रसाद धमलाले बताए । ‘कुलोमा डुब्दा श्वासप्रश्वासमा समस्या हुँदा उनको मृत्यु भएको हुन सक्छ ।’ उनले भने,‘मृत्तक कामीको शव पोष्टमार्टमका लागि सल्यान जिल्ला अस्पतालका राखिएको पोष्टमार्टम रिर्पोटपछि मात्र वास्तविकता थाहा हुन्छ ।’

घटनाको थप अनुसन्धान अघि बढाई रहेको प्रहरीले जनाएको छ ।