१८ चैत्र २०८१, मंगलवार

एनआइसी एसिया बैंक मुगु शाखामा तोडफोड


सुर्खेत । मुगुस्थित एनआइसी एसिया बैकको शाखा कार्यालयमा तोडफोड भएको छ । गएराति ९ः२१ बजे एकजना व्यक्ति बैंकको मुल ढोका फोडेर भित्र गएको बैंकको सिसी क्यामारामा देखिएको जिल्ला प्रहरी कार्यालय मुगुले जनाएको छ ।

उक्त व्यक्तिले बैकभित्र प्रवेश गरेर सुरक्षागार्डले प्रयोग गर्ने जुत्ता र खुकुरी लिएको प्रहरीले जनाएको छ । बैकमा एकजना मात्र सुरक्षाकर्मी भएको र उनको डिउटी राति ८ बजेसम्म मात्र भएकोले त्यही मौका छोपी अज्ञात व्यक्तिले बैंकको मुल ढोका फोरेको देखिन्छ ।

बैंकको ढोका फोडेर सुरक्षागार्डले प्रयोग गर्ने जुत्ता र खुकुरी लिने व्यक्ति बजार घुमिरहने मानसिक अवस्था ठिक नभएको जस्तो देखिने एक युवा भएको र उनेको खोजी भइरहेको प्रहरीले जनाएको छ । ढोका फोर्ने र जुत्ता खुकुरी चोर्नेबाहेक अन्य कुनै क्षेति नभएको प्रहरीले जनाएको छ ।