सदनमा उठाएको प्रश्न सदनमा दिन्छौं भन्दापनि प्रतिपक्षले मानेन्ः मन्त्री अर्याल

---

सुर्खेत । रािष्ट्रय स्वतन्त्र पार्टीका सभापति तथा नेपाल सरकारका उपप्रधान तथा गृहमन्त्री रवि लामिछानेलाई सदनमा लगाएको आरोप सदनबाटै जफाव दिन्छौ भन्दा पनि प्रतिपक्षले नमानेको नेपाल सरकारका श्रम, रोजगार तथा सामाजिक सुरक्षा मन्त्री डोलप्रसाद अर्यालले बताए । रास्वपा उपसभापति समेत रहेका मन्त्री अर्यालले शनिबार सुर्खेतमा आयोजना गरिएको पत्रकार सम्मेलन यस्तो बताएका हुन् ।

आफुहरुले सहकारी समस्याका बिषयमा सबै सहकारीको समस्याका त्यसको एकमुष्ट समधान खोजौ भनेको तर, प्रतिपक्षले नेपाली कांग्रेसले सहकारी समस्यामा उपप्रधान तथा गृहमन्त्रीको संग्लनता भए जसरी आरोप लगाएको मन्त्री अर्यालले बताए । ‘सभापतिमाथि उठेको आरोप १०० प्रतिशत निराधार रहेको छ ।’ उनले भने,‘यसको हामी जफाव दिन्छौभन्दा प्रतिपक्ष मानेको छैन् ।’

चार पाँच जनाले रजाइँ गरेको ठाउँमा नयाँ मान्छे आएपछि अनेक प्रश्न उठ्ने गरेको अहिले राष्ट्रिय स्वतन्त्र पार्टीले आउँदा पनि त्यस्तै भएको मन्त्री अर्यालले बताए । ‘कुनै गाउँमा एक जना नयाँ मान्छे बस्ती सरेर आएपछि त्यसका बारेमा सोधि खोजी हुन्छ नी अहिले त्यही भइरहेको हो ।’ उनले भने,‘आफूले मात्रै रजाइँ गरिरहेकाहरुलाई हामी आएका प्रति मन परिरहेको छैन ।’

आफूहरु रुपान्तरणका लागि आएको तर अनेक तरिकाले हिलो छ्याप्ने काम भइरहेको भन्दै मन्त्री अर्यालले असन्तुष्टि जनाए । ‘अहिले जुन हामीलाई हिलो छ्याप्ने काम भइरहेको त्यो निकै गम्भीर छ । उहाँले आरोप लगाएका व्यक्ति दुई चोटी चुनाव जितेर अहिले सदनमा र दुबैचोटी उपप्रधान तथा गृहमन्त्री भइसक्नु भएको छ ।’ उनले भने,‘अझै हिलो छ्याप्ने काम भइरहेको छ ।’