भ्रष्टाचारको विरोध गर्दा भ्रटाचारी भइयो साँसदः थापा

---

लम्कीः  स्थानीय तहले गरेको भ्रष्टाचारको विरोध गर्दा आफुलाई भ्रष्टाचारको आरोप लगाएको कैलाली क्षेत्र नं २ का साँसद रतन बहादुर थापाले बताएका छन् ।
पछिल्लो समय लम्की राजकाँडा सडक खण्डलाई लिएर विभिन्न मिडियाले भ्रष्टाचारको आरोप लगाएको उनले बताए । उनले अहिले आफ्नो नाम जोडेर विभिन्न भ्रामक समाचार प्रकाशित भइरहेकाले उक्त समाचारलाई सत्य नमान्न आफ्ना मतदातालाई आग्रह गरेका छन् ।
उनले आफुले स्थानीय तहले गरेको अनियमितताको विरोध गर्दा लम्की चुहाँ नगरपालिका नै आफ्नो पछाडि लागेको आरोप लगाए । उनले भने ‘म क्षेत्र नं २ को विकासमा लागि रहेको छु ।’ पछिल्लो समय मिडियामा साँसद थापाको नाम जोडेर विभिन्न समाचारहरु कैलालीमा आइरेका छन् । उनले आफुले गरेको अनियमितता पुष्टी भएमा आफुले जुनसुकै कार्वाही भोग्न तयार रहेको इकर्णाली पाटीलाई बताए ।
पत्रकारले समाचार लेख्ने हो तर बास्तविकतामा गएर लेख्दा आफुलाई पनि सहज हुने उनको भनाई छ । उनले कैलालीमा आएका समाचारका लागि कुनै पनि पत्रकारले आफुलाई नबुझेको भन्दै गुनासो गरेका छन् । पत्रकारले समाचार लेख्दा पु¥याउनुपर्ने ध्यान नै नपु¥याएर एकपक्षिय ढंगले समाचार लेखेको उनको आरोप छ । उनले भने ‘लम्की राजकाडा सडक खण्डमा १७ लाख ३४ हजार रकम अनियमितता भएको समाचार सत्य नभएको बताए ।
उनले रकम अनियमितता भएको होइन ठेकेदारले समयमा काम सम्पन्न नगरेपछि बजेट फ्रिज गएको हो तर ठेकेदारलाई घाटा भएपनि साँसदले भ्रष्टाचार गरेको आरोप खेप्नु पर्यो । उनले आफुले निर्वाचन जितेको क्षेत्रको विकासका लागि बोल्दा स्थानीय तहका जनप्रतिनिधिहरुले नै आफुलाई भ्रष्टाचारी बनाएको उनको अरोप छ । उनले भने ‘म सार्वजनिक कार्यक्रममा स्थानीय तहले गरेको अनियमितताको विरोध गर्दा आफ्नो पछाडि स्वयम जनप्रतिनिधि समेत लागेर मेरो चरित्र हत्या गर्ने काम गरिरहेका छन् ।’ उनले पछिल्लो समयमा आएको समाचारका लागि तत्काल पत्रकार सम्मेलनको आयोजना गरि गलत समाचार सम्प्रेषण गर्ने संचारमाध्यमका विरुद्धमा प्रेस काउन्सिलमा र विभिन्न सामाजिक संजालमा आफुमाथि अपशव्द प्रयोग गर्नेका विरुद्ध साइवर क्राईममा मुद्धा दर्ता गर्ने तयारीमा रहेको बताए ।
यता लम्की राजकाडा सडक खण्डको जिम्मा लिएका ठेकेदार नरायण पराजुललीले आफुले काम गर्दा आफुलाई घाटा लागेर घरजग्गा बेचेर पैसा भुत्तानी गरेको बताए । उनले आफुले साँसद रतन बहादुर थापालाई भ्रष्टाचार गरेको आरोप नलगाएको स्विकार गरेका छन् । विभिन्न संचार माध्यममा आएका समाचार कसरी आए भन्नेमा आफुलाई कुनै जानकारी नभएको उनको भनाई छ । २०७४ मंसिर २१ गते भएको निर्वाचनमा पूर्व एमालेबाट थापा क्षेत्र नं २ मा प्रदेशसभा सदस्यमा निर्वाचित भएका थिए ।