वीरेन्द्रनगरका १८ सहित कर्णालीमा २३ जनामा कोरोना संक्रमण

---

सुर्खेत । पछिल्लो २४ घण्टामा वीरेन्द्रनगरका १८ सहित कर्णालीमा थप २३ जनामा कोरोना भाइरस कोभिड १९ को संक्रमण देखिएको छ । सामाजिक विकास मन्त्रालय कर्णाली प्रदेशका अनुसार प्रदेश अस्पताल, पशुपन्छी रोग अन्वेषण प्रयोगशाला सुर्खेतमा गरिएको परिक्षणमा १९ जना र दैलेख अस्पतालमा गरिएको परिक्षणमा चार जनामा कोरोना देखिएको हो ।

मन्त्रालय स्वास्थ्य सेवा महाशाखा प्रमुख वृषबहादुर शाहीका अनुसार नयाँ संक्रमित सुर्खेतको वीरेन्द्रनगरका १८ जना, दैलेखका चार जना र सल्यानका एक जना रहेका छन् । यो संगै कर्णालीमा कुल संक्रमितको संख्या दुई हजार ३४ पुगेको छ ।

थप तीन जना डिस्चार्ज
मंगलबार थप तीन जना कोरोना संक्रमित उपचार पछि डिस्चार्ज भएका छन् । यो संगै हाल सम्म कुल संक्रमित मध्ये एक हजार आठ सय ९४ जना संक्रमित उपचार पछि निको भएर घर फर्केका छन् ।

कुल संक्रमण पुष्टी भएका मध्ये ६ जनाको मृत्यु भएको छ भने एक सय ३४ जना संक्रिय संक्रमितको प्रदेशका विभिन्न आइसोलेसन सेन्टरमा उपचार भइरहेको मन्त्रालयले जानकारी दिएको छ ।