सशस्त्र प्रहरी बल र नेपाल प्रहरी पुरुष भलिबलको फाइनलमा
सुर्खेत । कर्णाली प्रदेशको राजधानी सुर्खेतमा जारी ३४ औं राष्ट्रिय पुरुष भलिबल प्रतियोगिताको फाइनलमा सशस्त्र प्रहरी बल र नेपाल प्रहरी पुरुष भलिबलको फाइनलमा पुगेको छन् । सशस्त्र प्रहरी बलले सेमिफाइनलमा गण्डकी प्रदेशलाई ३–० र नेपाली सेनालाई ३–० ले हराँउदै नेपाली प्रहरीलाई हराउँदै फाइनलमा पुगेका हुन् ।
शसस्त्र प्रहरीले गण्डकी प्रदेशलाई २५–२३, २५–२० र २५–१५ ले पराजित गरेको थियो भने नेपाली सेनालाई नेपाल प्रहरीले २५–२१, २५–२३ र २५–१९ ले पराजित गरेको थियो ।
शसस्त्र प्रहरी बल समूह ‘ए’ को विजेताका रुपमा सेमिफाइनल पुगेको थियो ।
नेपाल सेनाले खेलमा १२ जना खेलाडी नै प्रयोग गरेको थियो । तर, उसको केही चलेन । विजेता रहेको समूह ‘बी’ बाट उपविजेताका रुपमा गण्डकी अन्तिम ४ मा पुगेको थियो ।
फाइनलका खेल भोली हुने
फाइनल खेल बिहिबार दिउँसो एक बजे सशस्त्र प्रहरी बल र नेपाली प्रहरी पुरुष भलिबलको फाइनल खेल हुने आयोजकले जनाएको छ । उपबिजेतका लागि नेपाली सेना र गण्डकी प्रदेश बिहान नौ बजे खेल हुनेछ ।
गत वर्ष गण्डकीमा सम्पन्न नवौं राष्ट्रिय खेलकुद अन्तर्गत ३३ औं राष्ट्रिय पुरुष भलिबल प्रतियोगिताको फाइनलमा आर्मीलाई हराउँदै सशस्त्र प्रहरी बलले उपाधि जितेको थियो ।
कर्णालीपाटी । २५ पुष २०८०, बुधबार १५:२८