२६ काेठे भवनकाे उद्घाटन

---

कालीकाेट: कालीकोटको फोइकोट स्थित महादेव माध्यमिक विद्यालयको भवन उद्घाटन गरिएको छ । नेपाल सरकार शिक्षा मन्त्रालयको नमूना विद्यालय विकास कार्यक्रम निर्मित चार ब्लक (२६ कोठे) भवनको कर्णाली प्रदेश सरकारका सामाजिक विकास मन्त्री घनश्याम भण्डारीले बिहीबार औपचारिक उद्घाटन गरेका हुन्।
विद्यालय भवन उद्घाटन गर्दै मन्त्री भण्डारीले पहाडका विद्यालयमा विद्यार्थी संख्या छैन र लगानी गर्न हुन्न भन्ने मानसिकता बनाउन फैलाइएको भ्रमलाई चिर्न प्रयास गरेको बताए।

विद्यालय व्यवस्थित बनाउन आगामी आर्थिक वर्षको नीति तथा कार्यक्रम र बजेटमा समेट्न सकिने प्रतिवद्धता जनाए।
विद्यालयलाई शिक्षक तालिम केन्द्रको रूपमा कार्य गरि पालिकाका अन्य विद्यालयको नेतृत्वदायी भूमिका निर्वाह गर्ने अपेक्षा व्यक्त गरे। त्यसका लागि प्रदेश सरकारले योजना बनाउँदै गरेको र केही दिनमा सार्वजनिक भई कार्यान्वयन आउने जानकारी दिए।
विद्यालयमा पाठ्यक्रमको शिक्षालाई व्यावहारिक कार्यान्वयनमा जोड दिदै उत्पादनमूलक क्षेत्रमा पढ्दै कमाउँदै कार्यक्रम सञ्चालन गरिने बताए।