१८ चैत्र २०८१, मंगलवार

तिलागुफाकाे हिउँदे नगरसभा सम्पन्न


कालीकाेट: कालीकाेटकाे तिलागुफा नगरपालिकाकाे साेर्हाै हिउँदे अधिबेशन सम्पन्न भएको छ । अधिबेशनले हाल सम्म भएको प्रगति प्रतिबेदन पेश गरेको छ । चालू आर्थिक बर्षमा छुटाएको कुल बजेट मध्ये हाल सम्म पुँजीगत र चालू तर्फ खर्च भएको सार्बजनिक गरिएको छ ।
कृषि, शिक्षा, स्वास्थ्य, पर्यटन र संचार समुन्नत, तिलागुफा नगरपालिकाकाे लागि सबल स्थानीय सरकार भन्ने नाराका साथ हिउँदे अधिबेशन सम्पन्न भएकाे हाे ।
शिक्षा,स्वास्थ्य,कृषि,पर्यटन क्षेत्रको बिकास संगै नीति निर्माण,योजना संशोधन,योजना कार्यान्वयन सहित पालिकालाई समृद्धि बनाउने तर्फ केन्द्रित भएकाे तिलागुफा नगरपालिकाका प्रमुख शंकर प्रसाद उपाध्यायले बताए ।
उनले, पर्यटन क्षेत्र संगै भौतिक पुर्बाधारका कामले निरन्तरता पाएको जिकिर गर्दै चुनावको बेला बाचा गरेका योजनाले मुर्त रुप लिएकाे जिकिर गरे ।
नगरप्रमुख उपाध्यायले नगरपालिकालाई नमुना पालिका बनाउन सबैको सहयोग र साथ आवश्यक रहेको उल्लेख गरे । समृद्ध नगर अन्तरगत अहिले कार्यसम्पादन मुल्यांकनमा तिलागुफा नगरपालिका जिल्लाकै प्रथम भएकाेमा प्रमुख उपाध्यायले खुसि ब्यक्त गरे ।

तिलागुफा नगरपालिकाले अर्धबार्षिक समीक्षा सहित विभिन्न ऐन ,कार्यबिधि पारित गरेकाे उपप्रमुख महेन्द्र बहादुर शाहीले बताए ।
उनले भने, हामिले सफल स्थानिय तह बनाउनका लागि प्रयास गरिरहेका छाै, यसमा सबैकाे सहयाेगकाे खाचाे छ ।
नगरपालिकाको सभाहलमा भएको कार्यक्रममा तिलागुफा नगरपालिका वडा न.१ देखि ११ सम्मका जनप्रतिनिधिहरु,कर्मचारीकाे उपस्थिति रहेको थियो ।