८ बर्षपछि सरकारी नम्बर प्लेट
कालीकाेट: जिल्लाकाे सान्नित्रिवेणी गाउपालिकामा २०७३ सालमा खरिद गरिएका सवारी साधन (माेटरसाईकलकाे) काे सरकारी नम्बर प्लेट राखिएकाे छ ।
सरकारी नम्बर प्लेट नहुँदा जथाभावी प्रयाेग गरिदै आएकाे थियाे । गाउपालिमा रहेका माेटरसाईकल पालिकाकाे काम भन्दा पनि जथाभावी प्रयाेग गरिएकाे पाईएकाे थियाे । सरकारी साधनकाे दुरूपयाेग राेक्न सरकारी नम्बर प्लेट राखेकाे सान्नित्रिवेणी गवाउपालिकाका प्रमुख प्रशासकीय अधिकृत प्रेम बडुवालले बताए । उनले जनप्रतिनिधि पालिकाका कर्मचारी सबैकाे सहयाेगमा सरकारी नम्बर प्लेट राखिएकाे छ, अब पालिकाका सवारी साधनकाे दुरूपयाेग राेकिने छ ।
सरकारी कार्यालयमा भएका सरकारी सवारी साधनकाे दुरुपयोग गर्न पाइँदैन। नेपालकाे कानूनअनुसार सरकारी साधनहरू केवल सरकारी कामका लागि मात्र प्रयोग गर्नुपर्छ। यदि कसैले व्यक्तिगत प्रयोजनका लागि सरकारी गाडी, इन्धन, वा अन्य साधनको दुरुपयोग गर्यो भने त्यसमा कानुनी कारबाही हुन्छ । तर सान्नित्रिवेणी गाउपालिकाले २०७३ सालदेखि खरिद गरेका साधनकाे सरकारी नम्बर प्लेट नहुँदा दुरूपयाेग बढेकाे थियाे ।
नेपालको कानुन अनुसार भ्रष्टाचार निवारण ऐन, २०५९ अनुसार सार्वजनिक सम्पत्तिको दुरुपयोग गरेमा जरिवाना वा कैद सजाय हुन सक्छ। साथै, सरकारी सेवा आचारसंहिताले पनि कर्मचारीहरूलाई सरकारी स्रोतसाधनको दुरुपयोग नगर्न निर्देशन दिएको प्रमुख प्रशासकीय अधिकृत बडुवालकाे भनाई छ ।
सरकारी सवारी साधनमा सेताे नम्बर प्लेट राखेपछि दुरूपयाेग राेकिएकाे सान्नित्रिवेणी गाउपालिकाका लेखापाल धिरेन्द्र आचार्यले बताए । उनले भने, पहिले सामान्य कामका लागि माेटरसाईकल सिक्नका लागि माग्ने बिग्रिएपछि थन्क्याउने गरिन्थ्याे अहिले त्याे सबै राेकिएकाे छ, कार्यालयकाे काममा बाहेक अन्त दुरूपयाेग भएकाे छैन ।
कर्णालीपाटी । १७ चैत्र २०८१, सोमबार १४:४०