एक बर्षभित्र चौकुनेको सिमेन्ट उद्योग सञ्चालनमा ल्याउने प्रतिबद्धता

---

सुर्खेत । आगामी एक बर्षभि चौकुने सिमेन्ट उद्योग सञ्चाचलन गरिने उद्योगी अयजराज सुमार्गीले बताएका छन् । सुर्खेत उद्योग वाणिज्य संघले विहीबार वीरेन्द्रनगरमा आयोजना गरेको अन्तरक्रिया कार्यक्रममा चौकुनेमा सिमेन्ट काराखाना सञ्चालनको अनुमती पाएको मुक्ति श्री ग्रुप अफ प्रा.लिका अध्यक्ष समेत रहेका सुमार्गीले २०७७ साल भदौभित्र सिमेन्ट उद्योग उद्घाटन गगर्ने गरी काम भईरहेको बताए ।
सुमार्गीले चौकुने सिमेन्ट उद्योग सञ्चालनका लागि अहिले दुई अर्वको लागतमा कामको सुरु जानकारी दिए । ‘चौकुने सिमेन्ट उद्योगको लागि ६ अर्वको माग गरेको छु, तर अहिले मेरो हातमा जम्मा २ अर्वको लाइसेन्स छ र म यसबाट नै सुरुवात गर्छु’ उनले भने । चौकुने सिमेन्ट उद्योगका लागि धेरै सम्भाव्यताको अध्यन गरेर उद्योग सञ्चालन गर्न लागिएको उनले बताए ।
चौकुने सिमेन्ट उद्योगका लागि मैले २०६४ देखि २०६८ सम्म धेरै अध्ययन गरेको उनको दावी छ । ‘यहाँ धेरै कुराहरुको सम्भावना पनि देखें र यस ठाउँका लागि मैले धेरै योजनाहरु बनाएको हुँ’ उनले भने । चौकुनेमा उत्पादन गरिने सिमेन्ट नेपालमा मात्र नभई भारतको लखनउमा पनि बिक्रिको योजना बनाएको उनले बताए । ‘यहाँ उत्पादन भएको सिमेन्ट भारत र लखनउमा बेचिन्छ’ उनले भने, ‘सिमेन्ट उद्योगमा ७ सय जनाले रोजगार पाउने र प्रतिदिन ६ सय मेट्रिक टन सिमेन्ट उत्पादन हुनेछ ।’
काराखानाका जग्गादाता र कामदारलाई ५० हजार बराबरको शेयर दिने उनले बताए । जनतालाई पनि लगानीकर्ताको रूपमा स्थापित गर्ने आफ्नो योजना रहेको उनको भनाई छ । सुमार्गीले सुर्खेतका व्यवसायीलाई पाँच लाख घार माहुरी पाल्ने योजनाकासाथ अघि बढ्न आग्रह गरे । ‘पाँच लाख घार माहुरी पाल्ने गरी योजना बनाउनुस् । एक लाख परिवारलाई बाख्रा पाल्न लगाउनुहोस,’ उनले भने, ‘पैसा नभएकालाई बैंकभन्दा आधा कम व्याजदरमा पैसा दिन्छु, इन्स्योरेन्स गरिदिन्छु र किनि पनि दिन्छु ।’
सुमार्गीले कर्णालीमा जडिबुटीको सम्भावना भएको बताउँदै दुई अर्ब रुपैंया यो क्षेत्रमा लगानी गर्न तयार रहेको उनले बताए । ‘जडिबुटीको बिउ दिन्छु, मल दिन्छु र प्रशोधन पनि गर्छु अनि जनताबाट खरिद गर्दै बिक्री पनि गर्छु,’ उनले भने, ‘यसका लागि पनि व्यवसायी साथीहरू तयार हुनुस, दुई अर्ब लगानी गर्न म तयार छु ।’