सरकार नपुगेको ठाउँमा गैसस

---

कालीकोटः जिल्लाको सामाजिक रुपान्तरणमा गैरसरकारी संस्थाले महत्वपूर्ण भुमिका खेलेको एक कार्यक्रमका सहभागिहरुले बताएका छन् । जिल्लाका सरकारवालाहरुले सामाजिक रुपान्तणको अभियानमा गैरसरकारी संस्थाले ठुलो भुमीका खेलेको बताएका हुन । जिल्लाको पहिलो गैरसरकारी संस्था ग्रामिण विकास तथा पर्याबरण संरक्षण मञ्च (भिडिसेफ) नेपाल कालिकोटको २६ औ साधारण सभामा सहभागी सरोकारवालाहरुले यस्तो बताएका हुन् ।
कालिकोटलाई मुलुककै आठौ खुला दिशा मुक्ता जिल्ला घोषणा गर्ने गु लुकाउने अभियान, साक्षरता अभियान, बाल बिबाह, घरेलु हिंसा, जातिय बिभेद तथा छुवाछुत प्रथा न्यूनिकरण, छाउपडी प्रथा लगायतका सामाजिक सांस्कृतिक कु संस्कारहरुका बिरुद्धका अभियानहरुमा गैरसरकारी संस्थाहरु र भिडिसेफ नेपालले ठुलो योगदान दिएको उनीहरुको भनाई छ । भिडिसेफ नेपालका अध्यक्ष मिनबहादुर बोगटीको अध्यक्षतामा भएको कार्यक्रममा नेपाल बार इकाई कालिकोटका अध्यक्ष दमनराज बमले जिल्लामा मानवअधिकार र जनजीवीकाका सवालहरुमा गैरसरकारी संस्थाहरुले निर्णायक भुमीका खेलेको बताए । उनले २०५० सालदेखी जिल्लामा कार्यरत रहेको भिडिसेफ नेपालले अहिलेसम्म गरेका कामहरुले ग्रामिण स्तरमा जनचेतना अभिबृद्धिका साथै जीविकोपालनमा ठुलो सुधार ल्याएकको बताए ।

कार्यक्रममा नेपाल रेडक्रस सोसाईटी कालिकोटका सभापती तथा भिडिसेफ नेपालका संस्थापक महासचिव बलप्रसाद संज्यालले संस्थाको २६ औ साधारण सभामा शुभकामना दिदै सरकार नपुगेको ठाँउमा गैरसरकारी संस्था पुगेर नागरिकका सवालहरु उठान गर्न सफल भएको बताए । उनले जिल्लामा हुने सामाजिक रुपान्त्रणका अभियानहरुमा भिडिसेफ नेपाल अगुवा संस्थाका रुपमा स्थापित भएको बताए । भिडिसेफा नेपालका अध्यक्ष मिनबहादुर बोगटीले संस्था संचालन भएको २६ औ बर्षसम्म बिभिन्न दातृ निकायहरुको सहयोगमा शिक्षा, स्वास्थ्य, खानेपानी, भौतिक पुर्वाधार, बाल संरक्षण, स्वरोजगारी, खाद्य सुरक्षा र आयआर्जनमा सुधार गर्ने अभियानमा सधै सक्रिय रहेको बताए । उनले जिल्लामा रहेको हरेक सामाजिक अभियानहरु संचालन गर्दा सरोकारवालाहरुको ठुलो सहयोग पनि प्राप्त गरेको बताए ।
कार्यक्रममा तिलागुफा नगरपालिका वडा नं. १० का वडा अध्यक्ष मनबहादुर थापाले भिडिसेफ र सेभ द चिल्डेनको साझेदारीमा तिलागुफामा संचालित शुभारम्भ परियोजनाले तीन बर्ष मुनीका बालबालिकाहरुको पोषण र स्वास्थ्यमा ठुलो सुधार ल्याएको बताए । उनले तिलागुफासँगको सहकार्य निरन्तरता दिन आग्रह गरे ।

कार्यक्रममा भिडिसेफ नेपालका कार्य समिति सदस्य नेत्र देवकोटा संस्थाले हालसम्म गरेका कामहरुको बारेमा जानकारी दिदै गुणस्तरीय शिक्षा, सबै बालबालिका बिद्यालयमा ल्याउने, स्वास्थ्य क्षेत्रको सुधार, बाल संरक्षण जस्ता बिषयहरु संस्थाले प्राथमिक्तामा रोखेको बताए । उनले २०५१ सालमा साक्षर जिल्लाको अभियानदेखी हालम्म उल्लेख्य कामहरु भएको बताए । कार्यक्रममा सेभ द चिल्डेनका कार्यक्रम अधिकृत पुनम खड्काले जिल्लामा क्रियाशील सामाजिक संस्थाहरुको सक्रियतामा यहाँका नागरिकहरुको चेतना स्तर निकै बृद्धि भएको बताईन् । उनले जिल्लाको समग्र विकासका साझेदार सामाजिक संस्थाहरु भएकाले यसमा भिडिसेफ नेपालले ठुलो भुमीका खेल्न सफल भएको बताईन् । कार्यक्रममा गत बर्षको कार्य सम्पादनका आधारमा सर्बोउत्कृष्ट कर्मचारी भिडिसेफका लेखा अधिकृत सरस्वती संज्याल, सामाजिक परिचालक राधिका शाही पुरस्कृत भएका छन् । साथै उत्कृष्ट दातृ निकायको रुपमा सेभ द चिल्डेनलाई प्रसंसापत्र प्रदान गरिएको छ । कार्यक्रममा भिडिसेफ नेपालका उपाध्यक्ष राजेन्द्र शाही, कोषाध्यक्ष रजनपुरा महत्तरा, ब्यवस्थापक राजेन्द्र सहकारी लगायत कर्मचारी, नागरिक समाजका अगुवा, पत्रकार लगायतको उपस्थिति रहेको थियो ।