रेडक्रसबाट निमार्ण गरिएका योजनाको अनुगमन

---

कालीकोटः नेपाल रेडक्रस सोसाईटी जिल्ला शाखा कालीकोटले नरहरिनाथ गाउँपालिकामा निमार्ण गरेका योजनाको अनुगम गरेको छ ।
एकिकृत पुनलार्भ तथा आपतकालीन प्रतिकार्य कार्यक्रम अन्तरगर्त निमार्ण गरिएका योजनाको अनुगमन गरेको हो । लक्जम्बर रेडक्रसको सहयोगमा नरहरिना गाउँपालिका–१, ४, ५ र ६ नम्बर वडामा सम्पन्न गरेको योजनाको अनुगमन गरेको हो । करिव १ करोड ७९ लाख ३० हजार ९३६ को लागतमा निमार्ण गरिएका योजनाको अनुगमन गरिएको थियो ।
नरहरिनाथ गाउँपालिकामा बाढी र पहिरोका कारण गुमेका संरचनाहरुलाई पुन निमार्णमा रेडक्रसले सहयोग गरेको छ । रेडक्रसले कोरोना महामारीका बेला पनि नरहरिनाथमा आर्थिक देखि स्वास्थ्य, खेलकुद सामाग्री पनि सहयोग गरेको थियो । एकिकृत पुनलार्भ तथा आपतकालीन प्रतिकाय कार्यक्रम कालीकोट जिल्लाको नरहरिनाथ गाउँपालिकामा मात्र लागु भएको नेपाल रेडक्रस सोसाईटी जिल्ला शाखा कालीकोटका सभापति बलप्रसाद संज्यालले बताए ।
उनले भने, ‘नरहरिनाथ गाउँपालिकामा रेडक्रसले खानेपानी सरसफाई तथा स्वच्छता, फोहोर फाल्ने खाडल जुठ्यान मच्यान निमार्ण, खानेपानी आयोजनाको निमार्ण, विद्यालयमा शौचालय निमार्ण, जिविकोपार्जन स्वास्थ्य लगायतका क्षेत्रमा सहयोग पु¥याएको छ ।’