रती खोलामा पहिरो, सडक अवरुद्ध
सुर्खेत । दैलेखको गुराँस गाउँपालिका चार सियाकोट–तल्लोडुंगेश्वर सडक खण्डमा पर्ने रती खोला पहिरो जाँदा सडक अवरुद्ध भएको छ । भारी बर्षा संगै खोलामा आएको ठूलो बाढिले सडक भत्कीए पछि अवरुद्ध भएको कर्णाली प्रदेश प्रहरी कार्यालयका प्रवक्ता राजेशनाथ बास्तोलाले जानकारी दिए ।
बर्षा जारी रहेकाले सडक खुलाउन समय लाग्ने उनको भनाई छ । उद्धार टोलीले खोलामा फसेका सवारी बाहिर निकाले पनि सडक अनिश्चित कालका लागि अवरुद्ध भएको उनको भनाई छ ।
सडक अवरुद्ध भए पछि उक्त सडक हुँदै कर्णाली राजमार्गबाट जुम्ला कालिकोट जाने सवारी साधन तथा सुर्खेत आउने सवारी साधन अलपत्र परेका छन् ।
यस्तै सुर्खेत दैलेख सडक खण्डको घोडाबास, कर्णाली राजमार्गको राकम कर्णालीको पालताडा भन्ने स्थानमा पहिरो जाँदा सडक अवरुद्ध भएको उनको भनाई छ ।
कर्णालीपाटी । १५ श्रावण २०७७, बिहीबार ११:५२