कर्णालीका हिमाली जिल्लामा हिमपात, किसानहरु खुसी

सुर्खेत । सोमबार रातीबाट कर्णालीका हिमाली जिल्लामा हिमपात सुरु भएपछि किसान खुसी भएका छन् । कर्णालीका हिमाली जिल्ला कालिको, जुम्ला, हुम्ला, मुगु र डोल्पामा हिमपात भएको हो ।

हिमपात हुँदा खडेरीका कारणले सुक्न लागेको अन्नबाली सप्रिने आशामा किसानहरु खुसी भएका छन् । गत माघमा थोरै हिमपात र पानी परेको यो पटक बाक्लो हिमपात हुनुका साथै पानी परेका कारणले बालीनाली सप्रिने किसानहरुले आशा गरेको कालिकोट रास्कोट नगरपालिका प्रमुख धर्मराज शाहीले बताए ।

हिमाली जिल्ला हिमपातका कारणले चिसोले बरफ जमेको कारण धारामा पानी आउन छोडेको जुम्ला पातारासी गाउँपालिका–४ का स्थानीय लालीमाया बुढाले बताइन् । हिमाली जिल्लामा हिमपात भएका कारणले नेपालगंज र सुर्खेबाट हिमाली हवाइ उडान समेत रद्द भएका छन् ।