नेकपाका सदस्यहरुलाई उपभोक्ता समितिमा राखेको भए नेकपा पाटी खुसी हुने थियो – अध्यक्ष बम

---

मध्यपश्चिमाञ्चल बिकास क्षेत्र अन्तर्गत रहेका जिल्लाहरु मध्ये कालिकोट एक हिमाली जिल्ला हो । यस जिल्लामा ३ नगरपालिका ६ वटा गाउँपालिका रहेका छन् । ६ वटा गाउँपालिका मध्ये पलाँता गाउँपालिका एउटा हो ।
नयाँ संरचना अनुसार साबिकका ३ वटा गाउँविकास समिति खिन, थिर्पु र धौलागोह मिलाएर हालको पलाँता गाउँपालिकाको निर्माण गरिएको छ र यस गाउँपालिकालाई जम्मा ९ वडामा विभाजन गरिएको छ । यस गाउँपालिकाको कुल क्षेत्रफल ३१८.८४ वर्ग कि.मि. रहेको छ । पलाँता गाउँपालिकाको कुल जनसंख्या १५३०३ रहेको छ । पलाँता गाउँपालिकाको क्षेत्रसंग सिमाना जोडिएका ठाउँहरुमा पुर्वमा जुम्लाको हिमा गाउँपालिका, सिँजा गाउँपालिका र कनकसुन्दरी रहेको छ, पश्चिममा पचालझरना गा.पा र बाजुराको स्वामिकार्तिक गा.पा, उत्तरमा मुगुको खत्याड गा.पा र दक्षिणमा पचालझरना गा.पा. र तिलागुफा नगरपालिका रहेका छन् । यो अवधिमा गाउँपालिकाले गरेका विकास निमार्ण र आगामी योजनाका बारेमा पलाता गाउँपालिकाका अध्यक्ष लक्ष्मणबहादुर बम ‘पलाती कान्छा’ संग इकर्णाली पाटीका कार्यकारी सम्पादक पुष्पराज भट्टराईले गरेको कुराकानी ।

तपाई निर्वाचित भईसकेपछि पलातामा के कस्ता काम भए ?
सर्वप्रथम यहाँलाई धन्यवाद, यहाँले सोध्नुभएको प्रश्नले गम्भिर बनाएको छ । मलाई पाटी संगठन र पलाताबासी आमबुवा दाजुभाई तथा दिदीबहिनीहरुले निर्वाचित गरिसकेपछि पलाताको विकास र समृद्धिका लागि निरन्तर लागि परेको अवगत नै छ । पहिलो गाउँसभाले पारित गरेको कार्यविधिमा रही सडक, शिक्षा, स्वास्थ्य, खानेपानी, विद्यूत, कृषि, पर्यटन, संचार, रोजगार लगायतका क्षेत्रमा घनिभुत ढंगले योजना निमार्ण गरि कार्यान्वयन गरिएको छ । जुनमा थिर्पु जिरोप्वाईन्टबाट सुरु गरि धौलगोहसम्म गाडि गुडेको छ । जुम्ला ओदी हुर्दै रिखिनदेखि भएर खिन जाफेसम्म गाडि गुडेको छ भने थिर्पु बेल्केढुङगादेखि बेशैनकोट हुदै नाईवाडा सम्म गाडि गुडेको छ । सडक निमार्णको काम तिव्र गतिमा अगाडि बढेको छ शिक्षा क्षेत्रमा विद्यालयका भवन निमार्ण भएका छन्, विद्यालयका फिल्ड निमार्ण भएका छन्, विद्यालय घेरबार गरिएको छ, करार शिक्षकलाई पारिश्रमिकको व्यवस्था गरिएको छ, शैक्षिक क्षेत्रलाई मध्यनजर गरि अंग्रेजी विषयमा पढनपाठन सुरु गरिएको छ । स्वास्थ्य क्षेत्रमा प्रत्येक वडामा जन स्वास्थ्य सेवा केन्द्र स्थापना गरिएको छ भने १५ शैयाको अस्पताल निमार्ण गरिएको छ, खानोपनीमा प्रत्येक घरमा मिटर सहितको धार निमार्ण गर्ने क्रममा अधिकाँश घरमा धारा जडान गरिएको छ भने मिटर जोड्न बाकी रहेको छ । अहिले पलाताका अधिकाँश वडा झिलिमिल भएका छन् । धौलागोहमा विद्युत जडान कार्य अगाडि बढेको छ । खिन र थिर्पुमा ३० प्रतिशत घरधुरीमा बति बलेको छ । कृर्षिका क्षेत्रमा प्रत्येक वर्ष २ लाख विभिन्न विरुवा वितरण गर्दै आइरहेका र्छौ । कृषकलाई मौसमी तथा बेमौसमी तरकारी खेतिका बारेमा तालिम, सेमिनार गोष्ठि दिदै आएका र्छौ । खिन र धौलागोहलाई समेट्ने गरि खाद्य डिपोको स्थापना गरिएको छ । संचारको सहज पहुँचको लागि पलाता सरकारको लगानीमा रेडियो संचालन गरिएको छ । नमस्तेको टावरको लागि पहल भइरहेको छ ।

तपाईले गरेका विकासीय काममा तपाईकै पाटी सन्तुष्ट छैन किन ?
तपाईले उठाएको प्रश्न सहि छ । मेरो पलाताको विकासका लागि मेरो पाटी नेकपा नै म देखि सन्तुष्ट छैन । मलाई के लाग्छ भन्दा मैले पाटीका जिल्ला कमिटी सदस्यहरुलाई उपभोक्ता समितिमा राखेको भए सन्तुष्ट हुन्थ्यो त्यसो भएन । उपभोक्ता समितिबाट पैसा उठाएर पाटीमा बुझाएको भए, भ्रष्टाचार गर्न दिएको भए पाटी सन्तुष्ट हुने थियो मैले त्यसो हुन दिएन । भ्रष्टाचार गरेर अकुत सम्पति कमाउनेहरुको नियतिमा ताल्चा लगाउन खोज्दा स्थानीय पाटी र जिल्ला पाटी असन्तुष्ट छ ।

तपाईले त सूचनाको हक पनि कार्यान्वयन गर्नु हुर्दैन रे ?
हा हा, त्यो त मैले भन्नुभन्दा पनि तपाईलाई थाहा भएकै कुरा हो । सूचनाको हकलाई कार्यान्वयन गर्दै मैले वर्षमा ३ पटक सार्वजनिक सुनुवाई गरेकै छु । स्थानीय नागरिकले मागेमा बैंक स्टेमेट दिएकै छु । ३÷३ महिनामा बुलेटीन प्रकाशित गरेको छु । सूचनाको हक प्रयोग गरि आएका निवेदनलाई सम्बोधन गरि सूचना दिएकै छु सूचना नमाग्नेहरुको घरमा गएर सूचना दिन सकेको छैन । अझै सूचनाको हक कसरी कार्यान्वयन नभएको देख्नुभयो ?

तपाईको कार्यकतालको तीन वर्ष वितिसक्यो, यो अवधिमा कस्ता चुनौतिको सामना गर्नुपर्यो ?
ढुङगा हान्नेदेखि घरबाट लखेटिनु पर्ने चुनौति सामना गरे । बनावटी योजनामा अख्तियारबाट दुख पाईयो । भ्रष्टाचारीहरुसंग लड्नु परेको । पलातामा हुने विभिन्न विकृति विसंगतिसंग लड्नु पर्यो । मदिरा नियन्त्रण गर्दा उच्च अदालतसम्म धाउनुपर्यो । दलालहरुले चलाउनु पर्ने सत्ता आफुले चलाउनु पर्दा धेरै चुनौति थपिए । बेला बेलामा दुख झेल्नु पर्योे लगायतका धेरै चुनौतिको सामना गर्नुपर्यो ।

तपाईले त काम शुन्य मिडियाबाजी बढी गर्नु हुन्छ रे । तपाईको पाटीले तपाईलाई लाउने आरोप त्यहि छ ?
तपाईले कसरी प्रश्न गर्नुभयो मलाई थाहा छैन । मैले कहिल्यै पनि मिडियालाई लेख्देउ भनेर निवेदन दिएको छैन । मेरो बारेमा समाचार लेखिदिनुपर्यो भनेर मिडियाका ढोका ढक्ढक्याएको छैन । मिडियाकर्मीसंग मितेरी साईनो पनि छैन । पत्रकारसंग भेट्न बोल्न पाइर्दैन भने मेरो भन्नु केही छैन । मलाई मिडियाले खोजेर आएभने मैले कुराकानी गर्न नपाईने पनि हुन्छ । पाटी मलाई मिडियाबाजी गर्छ भन्ने आरोप लगाउर्दै आएको छ तर म पाटीलाई पनि जानकारी गराउदछु । म मिडिया खोजेर मिडियाबाजी गरिदेउ भनेर गएको छैन ।

सरकारले अहिले यो काम गर्यौ उ काम गर्यौ भनेपनि नागरिक सन्तुष्ट छैनन किन ?
यो सत्य हो नागरिकले के चाहेको छ सवै पु¥याउन गाहे हुदो रहेछ । संविधान बनिसकेको भएपनि संविधानमा व्यवस्था गरेका कुरा त नागरिकले पाउन सकेका छैनन भने स्थानीय सरकारबाट नागरिकले धेरै अपेक्षा लिनु ठिकै हो तर सवै समाधान हुन्छ सोच्नु पनि त भएन । जनताको आवश्यकतालाई मध्येनजर गरि केही विकास निमार्णका काम गरिएकै छ । नागरिकका मुद्दामा लडिएकै छ । भट्टराई जि सवैलाई सन्तुष्ट पार्न सकिदैन रहेछ, सवैले चाहेका काम पनि गर्न नसकिने तर मेरो गाउँपालिकामा पनि सवै सन्तुष्ट छन त म भन्दैन तथापी पनि केही व्यक्ति असन्तुष्टि होलान् । गाउँपालिकाले गर्ने काम गरिरहेको छ । सवै कुरामा सवै सन्तुष्ट हुदैनन् ।

अव फेरी गाउँपालिकामा तपाई नलड्ने भन्नुभयो, गाउँपालिकाको विकास गर्न नसक्ने तपाईले समग्र ख प्रदेशको विकास गर्नुहुन्छ भन्ने आधार के ?
गाउँपालिकाको विकास नभएको तपाईले कहाँ देख्नुभयो । पलातामा विकास नभएको भए किन तपाईको मिडियाबाट कुरा उठाइएको छ । उदारणीय अध्यक्ष भनेर नेपाल सरकारले प्रमाणपत्र किन दियो । प्रचण्ड, झलनाथ खनालहरुले किन सम्मान गरे ?

आर्थिक वर्ष २०७६÷०७७ मा कति बजेट कार्यान्वयन भयो ?
मेरो गाउँपालिकामा आर्थिक वर्ष २०७६÷०७७ मा १ सय २० प्रतिशत बजेट कायान्वयन भएको छ । हामी अझै २० प्रतिशत बजेट ऋणात्मक र्छौ । सत प्रतिशत बजेट कार्यान्वयन भएको छ । गाउँपालिका अहिले पनि ऋणमा भएकोले निजीस्रोतका शिक्षक, निजामति कर्मचारी कसैले पनि तलव पाएका छैनन् । जनप्रतिनिधिहरुले सेवासुविधाहरु पाएका छैनन् । अन्तिम चौमासिक पनि दिन सकिएन ।

आगामि दिनमा गाउँपालिकाको विकासका लागि कस्ता योजना बनाउनुभएको छ ?
मैले भौगालिक रुपमा पछाडि परेको जिल्लाको पलाता गाउँपालिकाको मुहार फेर्नका लागि धेरै योजना बनाएको छु हेरौ कति आफ्ना योजना सफल हुन्छन् कति विफल हुन्छन् त्यो समयले देखाउने छ विशेष गरि गाउँपालिकाको विकासका लागि रोजगार गुमेकालाई रोजगारी दिने, निमार्णाधिन आयोजनाहरुलाई सम्पन्न गर्ने, जनपक्षिय जनमैत्री लक्षित बर्ग केन्द्रित हुने, भुगोल र माटो अनुसार सुहाउदो विकास गर्ने, संकृतिको संरक्षण र रुपान्तरणको आधार भन्ने नारालाई आत्मसाथ गर्दै गाउँपालिकाको विकास गर्ने, कर्णाली करिडोर र पलातालाई जोड्न कर्णाली नदिमा फेरीको व्यवस्था गर्ने योजना बनाएको छु ।