पीडित बालिकालाई आर्थिक सहयोग

---

कालीकोटः जिल्लाको तिलागुफा नगरपालिका–११ ढिम्नीया घर भइ नेपाली सेनामा कार्यरत २२  वर्षीय वीरेन्द्र शाहीबाट बलात्कृत भएकी १६ वर्षीया बालिकालाई कानूनी सहायताको लागि इन्सेकले आर्थिक सहयोग गरको छ ।

मानवअधिकार सहायता कक्ष इन्सेकले कालीकोट जिल्ला प्रतिनिधि कालीबहादुर मल्ल मार्फत पीडितलाई सहयोग रकम पठाएको थियो । मल्लले शुक्रवार विहान नेपाल बार एसोशियसनका अध्यक्ष दमनराज बम र पत्रकारको रोहबरमा १० हजार नगद सहयोग हस्तान्तरण गरेका हुन् ।

पीडित बालिकालाई कालीकोट स्थित रणसुर गुल्मका जवान शाहीले भदौ १३ गते बलात्कार गरेको पीडितको आरोप थियो । बालीकाको आर्थिक अवस्था कमजोर भएका कारण पीडित बालिकाले आवश्यक कानुनी प्रक्रिया तथा आर्थिक सहयोगको माग गर्दै मानव अधिकार सहायता कक्षको सचिवालय इन्सेकमा असोज ३ गते निवेदन दिएकी थिइन ।