दाहाँका १६ बषिया बालिकाको बलात्कार पछि हत्या गरेको परिवारको आशंका
कालीकोटः कञ्चनपुरकी १३ वर्षीया बालिकालाई बलात्कारपछि हत्या गरिएको घटनाका दोषि पत्ता नलाग्दै कालीकोटमा पनि बलात्कार पछि हत्या गरेको घटना बाहिरीएको छ । निर्मला पन्तका हत्यारा पत्ता अझै लागेका छैनन् तर कालीकोटमा पनि बलात्कार पछि हत्या भएको कहाली लाग्दो घटना सार्वजनिक भएको छ ।
कञ्चरपुर घटनाको ३ वर्ष बित्दा पनि सरकारले बालिका पन्त हत्यामा संलग्नलाई कारबाही गर्न नसकेकै बेला कालीकोटमा पनि बलात्कार पछि हत्या गरिएको घटना बाहिर आएको हो । जिल्लाको खाडाचक्र नगरपालिका–६ कि १६ वर्षिया बालिका निरु विकको सव घर नजिकैको मकै बारीमा भेटिएको हो । भर्दौ ४ गते घरबाट बेपत्ता भएकी विकको ४ दिन पछि मात्रै आफन्तले मकैबारीमा घाटी रेटेर फालेको अवस्थामा सव भेटका थिए ।
बालिकाको बलात्कार पछि हत्या गरिएको हुनसक्ने परिवारले आशंका गरेका छन् । घरबाट नजिकै निस्केको ४ दिनपछि सव मकैबारीमा भेटिनु बलात्कार पछिको हत्या भएको मृतक बालिकाका आफन्त बसन्त सुनारले बताए । उनले भने, ‘हाम्रो आशंका बलात्कार पछि हत्या भएको छ, प्रहरी अनुसन्धान र पोष्टमाटम रिपोट आएपछि सवै जानकारी भईहाल्छ ।’ मेला हेर्ने भनेर गएकी बालिका मृत अवस्थामा भेटिनु बलात्कार नै भएको पारिवारीको स्रोतको दावि छ ।
अनुसन्धान भईरहेको छ–प्रहरी
खाडाचक्र नगरपालिका–६ दाहामा भएको घटनाको अनुसन्धान भइरहेको जिल्ला प्रहरी कार्यालय कालीकोटका प्रहरी नायव उपरीक्षक चक्रबहादुर शाहले बताए । उनले प्रदेश प्रहरीको टोलि पनि अनुसन्धानका लागि कालीकोट आएको शाहको भनाई छ । प्रदेश प्रहरी कार्यालयबाट सहि नारायण शर्माको नेतृत्वमा ४ जनाको अनुसन्धान टोलि आएको बताए ।
बालिकाको हत्याका लागि प्रारम्भिक अनुसन्धान समेत गर्न नसकेको शाहले बताए । उनले बलात्कार नै भएको भन्ने आकलन गर्न नसकिएको बताए ।
कर्णालीपाटी । १० भाद्र २०७८, बिहीबार ०८:५६